10 dekabr 2024-cü ildə Azərbaycan Milli İncəsənət Muzeyində “Milli xəzinə. Azərbaycan təsviri incəsənəti” kitab-albomunun və www.az-art.gallery portalının təqdimatı keçirilib.
bp şirkətinin dəstəyi və Təşəbbüslər və Layihələr Mərkəzinin (TLM) layihəsi əsasında hazırlanan kitab-albom və portal Azərbaycan, ingilis və rus dillərində tərtib edilib və rəngkarlıq, qrafika, heykəltaraşlıq, tətbiqi sənət və teatr-dekorasiya sənəti üzrə 206 müəllifin 463 əsərini özündə birləşdirir. 12 mindən çox sənət nümunəsi arasından seçilən bu əsərlər tanınmış sənətkarlarla yanaşı, dəyərli əsərlər yaratmış, lakin az tanınan rəssamların yaradıcılığını da əhatə edir.
